Bakalavriat

Proqramın təlim nəticələri

• Biznesin idarə edilməsi üzrə əsas istiqamətlər – menecment, əməliyyatlar, təşkilati davranış, insan resurslarının idarə edilməsi, mühasibat uçotu, maliyyə və marketinq sahələri üzrə geniş və sistemli bilikləri nümayiş etdirmək. Biznes prosesləri və təşkilati funksiyalarla bağlı əsas iqtisadi göstəriciləri, əsas anlayışları, modelləri və nəzəriyyələri izah etmək.
• Qloballaşmanın və dayanıqlılıq prinsiplərinin təsirini təhlil etmək, beynəlxalq biznes və strateji idarəetmənin nəzəri və praktiki aspektlərini qiymətləndirmək. İngilis və Azərbaycan dillərində aydın və səlis ünsiyyət qurmaq, Azərbaycan tarixini bilmək, sənaye və peşəkar mühitlərdə çoxsahəli və çoxmədəniyyətli komandaların üzvü və ya rəhbəri kimi effektiv fəaliyyət göstərmək və biznes qərarlarına etik yanaşmaları inteqrasiya etmək.
• Kəmiyyət və keyfiyyət məlumatlarını toplamaq, şərh etmək və təhlil etmək yolu ilə biznes problemlərini diaqnoz etmək. Məlumatadək əsaslanan həllər hazırlamaq və sübuta əsaslanan tövsiyələr formalaşdırmaq. İşgüzar sənədlərin hazırlanması və təqdim edilməsi daxil olmaqla, yazılı ünsiyyət bacarıqlarını effektiv nümayiş etdirmək. Maraqlı tərəflərlə danışıqlar aparmaq və qəbul edilən biznes qərarlarını əsaslandırmaq.
• Tədqiqat metodologiyasını tətbiq etmək, məlumatların təhlili üsullarından, biznes alətlərindən və analitik metodlardan istifadə edərək biznes proseslərini optimallaşdırmaq, əsas göstəriciləri proqnozlaşdırmaq və informasiya mənbələrini qiymətləndirmək yolu ilə sübuta əsaslanan qərarların qəbulunu dəstəkləmək. Müxtəlif komandaları idarə etmək və ya onlarla əməkdaşlıq etmək, interpersonal münasibətləri idarə etmək və biznes layihələrində tapşırıqları koordinasiya etmək.
• Biznes fəaliyyət planları hazırlamaq və nəticələri peşəkar standartlara uyğun təqdim etmək. Startap və biznes planlaşdırması kimi təşəbbüsləri irəli sürərək sahibkarlıq düşüncə tərzini nümayiş etdirmək.
• Daxili və xarici biznes mühitlərini qiymətləndirmək, riskləri müəyyənləşdirmək və innovasiya təklifləri irəli sürmək. Dəyişən biznes şəraitinə uyğunlaşmaq və təşkilati dəyərin formalaşdırılmasına töhfə vermək.
•  

Qazanılan digər nəticələr

• Qlobal iqtisadi və biznes meyllərini təhlil etmək bacarığı

• Müxtəlif miqyaslı təşkilatlarda müasir idarəetmə metodlarını tətbiq etmək bacarığı

• Dinamik mühitlərdə sübuta əsaslanan və optimal qərarlar qəbul etmək bacarığı

• Biznes strategiyaları, operativ planlar və inkişaf layihələri hazırlamaq bacarığı

• Biznes proseslərinin zaman, xərc və resurs parametrlərini hesablamaq və nəzarətdə saxlamaq bacarığı

•  İnsan resurslarını təşkilatın müxtəlif funksiyaları üzrə effektiv idarə etmək bacarığı

• Korporativ mədəniyyət, etik davranış və sosial məsuliyyət prinsiplərini təşkilati praktikaya inteqrasiya etmək bacarığı

• Maliyyə və iqtisadi göstəricilərdən istifadə etməklə investisiya səmərəliliyini qiymətləndirmək bacarığı

• Müasir satış, rəqəmsal marketinq və elektron kommersiya alətlərindən istifadə etmək bacarığı

• Komanda mühitində əməkdaşlıq etmək və effektiv şəkildə töhfə vermək bacarığı

• Akademik tədqiqat aparmaq və tədqiqat bacarıqlarını biznes kontekstində tətbiq etmək bacarığı

Təcrübə və iş imkanları

Biznesin idarə edilməsi ixtisası üzrə təhsil alan tələbələr baxımından bu günün reallıqlarında akademik biliklə birlikdə təcrübənin əhəmiyyəti çox mühimdir. Bunu nəzərə alaraq universitet, tələbələri artıq II kursdan etibarən tanınmış şirkət və müəssisələrdə istehsalat təcrübəsi ilə təmin edir. Proses III və IV kurslarda da davam edir. Bu imkan tələbələrin məzun olmadan əvvəl ən az 3 müəssisədə təcrübə keçməsinə, nəzəriyyədə öyrəndiklərini praktikada tətbiq etməsinə gətirib çıxarır ki, bu da onların gələcək karyeralarında mühüm rol oynayır. Prosesin sonunda tələbələr məzun olmadan əvvəl artıq iş sahibi ola bilirlər. Ümumiyyətlə biznesin idarə edilməsi sahəsində iş imkanları kifayət qədər çox şaxəlidir. Belə ki, bu ixtisasdan məzun olan tələbələr gələcəkdə fəaliyyətlərini özəl və dövlət sektorunda davam etdirmə imkanına sahibdir. Onlar oxuduqları dövrdə müəyyənləşdirdikləri istiqamətdən asılı olaraq birbaşa biznes meneceri, maliyyə mütəxəssisi, mühasib, layihə meneceri, marketoloq, bank mütəxəssisi, insan resurslarının idarə edilməsi üzrə menecer və s. kimi vəzifələrdə karyera qura bilərlər. Bundan başqa fərdi təşəbbüsün əhəmiyyətinin artdığı günümüzdə onlar iqtisadiyyatın müxtəlif sahələri üzrə öz bizneslərini quraraq istehsalat, satış, xidmət və digər istiqamətlərdə fəaliyyət göstərə bilərlər.